一碗綿滑細膩嘅靚粥，除咗滿足味蕾，仲可以撫慰身心。粥亦為古今文人帶嚟人生嘅感悟，例如 #也斯 就曾經分享由粥感受到媽媽無言嘅關愛，亦有一首詠物詩〈白粥〉。請收睇《#文學的餐桌》第四集，一齊品嘗粥嘅滋味。

閱讀飲食文學唔只可以了解作者對人生嘅睇法，亦可以認識地域同時代嘅變化。香港中央圖書館現正舉辦「方絮留香—館藏飲食文獻展」，展出食譜、食肆文獻、關於飲食嘅報章專欄及其他文藝作品，見證本地中式食肆嘅百年演變，探索飲食同大眾媒體與出版業嘅關係，歡迎大家喺圖書館開放時間參觀。

方絮留香—館藏飲食文獻展
• 日期：即日起至2022年12月31日
• 地點：香港中央圖書館八樓珍本閱覽室