喺嚟緊嘅 #自由爵士音樂節（Freespace Jazz Fest）， 香港文學館非常榮幸能夠成為西九文化區嘅項目伙伴！喺週末（10月29日至30日），我哋會喺西九藝術公園大草坪設立一個以 #文學 為主題嘅 #遊戲市集，歡迎大家搵我哋玩遊戲！

【#緣路揾作家】

人生就係不停嘅選擇，你揀咗一個起點，左轉右轉，冇人知到最終去邊個終點。人生中嘅種種際遇，路直路灣，無人能料，俾你估中個開頭，都估唔到個結局，呢個亦係人之為人嘅有趣之處～～

為咗拉近文學同生活之間嘅關係，文學館決定為來到西九Freespace Jazz Fest嘅大家進行一次「文學Speed Dating」，各位揀好一個起點，通過重重二選一測驗，就會揾到屬於你嘅嗰嗰真命天子！我哋亦會為各位送上紀念小咭，每張咭都印有作家嘅有趣資訊，希望可以開啟大家對文學及讀書嘅興趣！

日期﹕10月29日至30日（星期六、日）
時間﹕下午3時至4時及下午5時至6時

主持﹕
#池荒懸（10月29日，星期六）
#李顥謙（10月30日，星期日）

池荒懸，舊署西草，香港詩人。

李顥謙，九十後詩人，2022年出版個人詩集《夢或者無明》，作品收錄在《水母與搖滾——字花十年選詩歌卷》、《我香港，我街道2：全球華人作家齊寫香港》等選集。曾為香港電台社區參與廣播節目《香港文學十三邀》主持之一，現籌劃詩podcast 「今晚SEE詩先」與其他活動，希望能一直在香港寫作與推廣現代詩。

【#文學如果魚歌】

只想約會到八千歲 微醉寫詩作對 下去～～ 嘩邊位文人雅士咁浪漫？咩呀首歌你都識㗎！如果你喺呢個pool度釣到一條魚，魚尾上寫咗一句歌詞，你能夠估到係邊首歌或邊個歌手嗎？估到先可以獲得香吻－呀唔係，係靚靚紀念品一份喔～

近年廣東歌熱潮再起，人人識唱識背，各位文青準備好接受估歌詞大挑戰未？

日期﹕10月29日至30日（星期六、日）
時間﹕下午2時至晚上9時

地點﹕西九文化區藝術公園大草坪 香港文學館攤位
語言﹕粵語
收費﹕毋須報名，免費入場
主辦﹕西九文化區自由空間
項目伙伴﹕香港文學館